«Bavariya» hujumchisi Xarri Keyn Germaniya Kubogi yarim finalida «Bayer» ustidan qozonilgan g‘alabadan (2:0) so‘ng o‘z taassurotlari bilan o‘rtoqlashdi. Angliyalik futbolchi uchrashuvning 22-daqiqasida hisobni ochgan bo‘lsa, bahs yakunida Luis Dias yakuniy natijani belgiladi.
«Biz o‘yin boshidan oxirigacha ajoyib harakat qildik, yaxshi pressing uyushtirdik va to‘pni yuqoriroqda olib qo‘yishga erishdik. Bizda ko‘proq gol urish va o‘yin taqdirini ancha ertaroq hal qilish imkoniyati bor edi. «Bayer» ko‘p vaziyat yarata olmadi, biz haqli ravishda g‘alaba qozondik. Mavsum boshidanoq Germaniya Kubogida zafar quchish asosiy maqsadlarimizdan biri ekanini aytgandik. Yigitlar Berlindagi final o‘yini naqadar ajoyib tajriba ekanini so‘zlab berishgandi. U yerga borayotganimizdan xursandman», — deya Keynning so‘zlarini keltiradi Bayern & Germany.
«Bavariya»ning finaldagi raqibi bugun bo‘lib o‘tadigan «Shtutgart» va «Frayburg» jamoalari o‘rtasidagi bahsdan so‘ng ma’lum bo‘ladi.
