«Barselona» yarim himoyachisi Pedri jamoaning «Selta»ga qarshi g‘alaba bilan yakunlangan o‘yinida (1:0) ko‘zga tashlangan kamchilikni ko‘rsatib o‘tdi.
«Ko‘k-anorranglilar»ga uch ochkoni 40-daqiqada Lamin Yamal tomonidan penaltidan kiritilgan gol taqdim etdi. Qo‘lga kiritilgan natijaga qaramay, uchrashuv Xans-Diter Flik shogirdlari uchun oson kechmadi.
«Biz pressing borasida ancha o‘sishimiz kerak. Raqibga bosim o‘tkazishni qachon va qanday boshlashni yaxshiroq tushunishimiz lozim. Menimcha, ba’zida biz haddan tashqari ko‘p yuguryapmiz va kuchimizni behuda sarflayapmiz», — deya uchrashuvning eng yaxshi futbolchisi deb topilgan Pedrining so‘zlarini keltiradi The Touchline.
