«Барселона» ярим ҳимоячиси Педри жамоанинг «Сельта»га қарши ғалаба билан якунланган ўйинида (1:0) кўзга ташланган камчиликни кўрсатиб ўтди.
«Кўк-анорранглилар»га уч очкони 40-дақиқада Ламин Ямал томонидан пенальтидан киритилган гол тақдим этди. Қўлга киритилган натижага қарамай, учрашув Ханс-Дитер Флик шогирдлари учун осон кечмади.
«Биз прессинг борасида анча ўсишимиз керак. Рақибга босим ўтказишни қачон ва қандай бошлашни яхшироқ тушунишимиз лозим. Менимча, баъзида биз ҳаддан ташқари кўп югуряпмиз ва кучимизни беҳуда сарфлаяпмиз», — дея учрашувнинг энг яхши футболчиси деб топилган Педрининг сўзларини келтиради The Touchline.
