«Barselona» yarim himoyachisi Gavi yaqinlashib kelayotgan «el-klasiko» haqida fikr bildirdi. Mazkur bahsda chempionlik unvoni taqdiriga uzil-kesil nuqta qo‘yilishi mumkin.
Chempionat finishiga 6 tur qolganida «ko‘k-anorranglilar» «Real»ni 9 ochkoga ortda qoldirmoqda. 10 may kuni «Kamp Nou»da o‘zaro uchrashuv bo‘lib o‘tadi — katta ehtimol bilan ushbu o‘yin yakunlangach, kataloniyaliklar La Liga oltin medallarini naqd qilib qo‘yishadi. Shunga qaramay, Gavi uchun bu u qadar prinsipial emas.
«Biz chempionlikni aynan «El-Klasiko»da qo‘lga kiritishni istaymizmi? Yo‘q, men ham, butun jamoamiz ham «Real» bilan o‘yinni kutib o‘tirmasdan, unvonni vaqtliroq naqd qilishni xohlaymiz», — deya xavbekning so‘zlarini keltiradi Madrid Zone.
Eslatib o‘tamiz, chorshanba kuni Xans-Diter Flik jamoasi o‘z maydonida «Selta»ni mag‘lub etdi (1:0).
