«Sanderlend» 2025/26 yilgi mavsum yakunida bosh murabbiy Rejis Le Bris bilan xayrlashishni rejalashtirmayapti. Hattoki u jamoani yevrokuboklarga olib chiqa olmasa ham, o‘z lavozimida qoladi, deb xabar bermoqda insayder Fabrisio Romano.
Manbaga ko‘ra, 50 yoshli fransuz «Sanderlend» rahbariyatining to‘liq qo‘llab-quvvatlashiga ega. Unga 2026/27 yilgi mavsumda ham jamoani boshqarish ishonib topshirilmoqda.
«Sanderlend» allaqachon kelasi mavsum uchun Premyer-ligadagi o‘rnini naqd qilib bo‘lgan, yevrokuboklarga yo‘llanma olish uchun esa matematik imkoniyatlar hamon saqlanib qolmoqda.
Le Bris «Sanderlend»da 2024 yilning iyulidan beri ishlab kelmoqda va uning shartnomasi 2028 yilning 30 iyuniga qadar mo‘ljallangan. Murabbiy qo‘l ostida jamoa 88 ta o‘yinda 37 ta g‘alabaga erishdi, 24 bor durang o‘ynadi va 27 ta mag‘lubiyat qayd etdi.
