«Сандерленд» 2025/26 йилги мавсум якунида бош мураббий Режис Ле Брис билан хайрлашишни режалаштирмаяпти. Ҳаттоки у жамоани еврокубокларга олиб чиқа олмаса ҳам, ўз лавозимида қолади, деб хабар бермоқда инсайдер Фабрицио Романо.
Манбага кўра, 50 ёшли француз «Сандерленд» раҳбариятининг тўлиқ қўллаб-қувватлашига эга. Унга 2026/27 йилги мавсумда ҳам жамоани бошқариш ишониб топширилмоқда.
«Сандерленд» аллақачон келаси мавсум учун Премьер-лигадаги ўрнини нақд қилиб бўлган, еврокубокларга йўлланма олиш учун эса математик имкониятлар ҳамон сақланиб қолмоқда.
Ле Брис «Сандерленд»да 2024 йилнинг июлидан бери ишлаб келмоқда ва унинг шартномаси 2028 йилнинг 30 июнига қадар мўлжалланган. Мураббий қўл остида жамоа 88 та ўйинда 37 та ғалабага эришди, 24 бор дуранг ўйнади ва 27 та мағлубият қайд этди.
