40 yoshli darvozabon Manuel Noyer «Bavariya» bilan shartnomasini yana bir mavsumga uzaytiradi. Bu haqda jurnalist Maksimilian Kox xabar bermoqda.

Qayd etilishicha, klub va futbolchi o‘rtasida allaqachon kelishuvga erishilgan. Tez orada shartnoma uzaytirilgani haqida rasmiy bayonot berilishi kutilmoqda. Noyer hali ham o‘z formasidan ko‘ngli to‘q, klub rahbariyati esa uning o‘yinidan juda mamnun. Kelasi mavsumda Manuel Noyer va Yonas Urbig o‘zaro o‘yin vaqtini taqsimlagan holda maydonga tushadilar.

Joriy mavsumda Noyer Bundesligada 21 ta o‘yinda maydonga tushib, 19 ta gol o‘tkazib yubordi.