«Bornmut» klubi «Bayer» yarim himoyachisi Malik Tillmanni o‘z safiga qo‘shib olishga qiziqish bildirmoqda, deb xabar bermoqda TeamTalk.

Manbaning bergan ma’lumotlariga ko‘ra, Leverkuzen klubi 23 yoshli amerikalik futbolchining transferi bo‘yicha munosib takliflarni ko‘rib chiqishga tayyor. Shu bilan birga, shartnomadagi bandga ko‘ra, futbolchining sotib olish huquqini qo‘lga kiritish uchun uning sobiq klubi — «Bavariya» foydasiga 35 million yevro to‘lanishi ko‘zda tutilgan.

Yarim himoyachiga shuningdek, «Fulxem» va «Brentford» klublari ham da’vogarlik qilmoqda.

Tillman 2025 yilning iyulidan beri «Bayer» sharafini himoya qilib kelmoqda. Uning amaldagi shartnomasi 2030 yilning 30 iyunigacha mo‘ljallangan. 2025/26 yilgi mavsumda u barcha turnirlarda 38 ta o‘yinda maydonga tushib, 8 ta gol urdi va 1 ta golli uzatmani amalga oshirdi.

Transfermarkt portali futbolchining transfer qiymatini 30 million yevroga baholamoqda.