«Борнмут» клуби «Байер» ярим ҳимоячиси Малик Тилльманни ўз сафига қўшиб олишга қизиқиш билдирмоқда, деб хабар бермоқда TeamTalk.

Манбанинг берган маълумотларига кўра, Леверкузен клуби 23 ёшли америкалик футболчининг трансфери бўйича муносиб таклифларни кўриб чиқишга тайёр. Шу билан бирга, шартномадаги бандга кўра, футболчининг сотиб олиш ҳуқуқини қўлга киритиш учун унинг собиқ клуби — «Бавария» фойдасига 35 миллион евро тўланиши кўзда тутилган.

Ярим ҳимоячига шунингдек, «Фулхэм» ва «Брентфорд» клублари ҳам даъвогарлик қилмоқда.

Тилльман 2025 йилнинг июлидан бери «Байер» шарафини ҳимоя қилиб келмоқда. Унинг амалдаги шартномаси 2030 йилнинг 30 июнигача мўлжалланган. 2025/26 йилги мавсумда у барча турнирларда 38 та ўйинда майдонга тушиб, 8 та гол урди ва 1 та голли узатмани амалга оширди.

Transfermarkt портали футболчининг трансфер қийматини 30 миллион еврога баҳоламоқда.