Angliyaning «Liverpul» klubi sobiq futbolchisi Jeymi Rednapp «Sanderlend» va «Nottingem Forest» jamoalari o‘rtasidagi o‘yin yakunlari bo‘yicha o‘z fikrlarini bildirdi. Mazkur bahsda ligada jon saqlab qolish uchun kurashayotgan «o‘rmonchilar» 5:0 hisobida g‘alaba qozondi.
Rednappning ishonchi komil bu natija «Nottingem»ning asosiy raqobatchilarini boshqarayotgan Nunu Eshpiritu Santu va Roberto de Dzerbi uchun haqiqiy zarba bo‘ldi.
«Hozir Nunu Eshpiritu Santu va de Dzerbining holatini tasavvur qilyapman. Ular chorasiz ahvolda», — deya Rednappning so‘zlaridan iqtibos keltiradi BBC Sport.
Ayni damda «Nottingem» o‘n oltinchi o‘rinni egallab turibdi, «Vest Xem» o‘n yettinchi, «Tottenxem» esa o‘n sakkizinchi pog‘onada bormoqda.
