Англиянинг «Ливерпуль» клуби собиқ футболчиси Жейми Реднапп «Сандерленд» ва «Ноттингем Форест» жамоалари ўртасидаги ўйин якунлари бўйича ўз фикрларини билдирди. Мазкур баҳсда лигада жон сақлаб қолиш учун курашаётган «ўрмончилар» 5:0 ҳисобида ғалаба қозонди.

Реднаппнинг ишончи комил бу натижа «Ноттингем»нинг асосий рақобатчиларини бошқараётган Нуну Эшпириту Санту ва Роберто де Дзерби учун ҳақиқий зарба бўлди.

«Ҳозир Нуну Эшпириту Санту ва де Дзербининг ҳолатини тасаввур қиляпман. Улар чорасиз аҳволда», — дея Реднаппнинг сўзларидан иқтибос келтиради BBC Sport.

Айни дамда «Ноттингем» ўн олтинчи ўринни эгаллаб турибди, «Вест Хэм» ўн еттинчи, «Тоттенхэм» эса ўн саккизинчи поғонада бормоқда.