«Manchester Siti» bosh murabbiyi Xosep Gvardiola so‘nggi o‘yinlarda rotasiyadan voz kechdi. «Shaharliklar» ichki arenada ajoyib formaga kirib olishdi. Jamoa Liga Kubogini qo‘lga kiritdi, Angliya Kubogi yarim finaliga chiqdi va «Arsenal»dan sezilarli farqni yo‘qqa chiqarib, Premyer-liga turnir jadvalida peshqadamga aylandi.
«Albatta, kam o‘ynayotganlar norozi. Hozir tarkibni kam o‘zgartiryapman, chunki oxirgi besh-oltita o‘yinda atigi bitta gol o‘tkazib yubordik. Men hamma futbolchilarni jalb qilishga harakat qilaman, lekin mavsum oxirida jamoada to‘g‘ri kayfiyat shakllanganini ko‘rsam, o‘zgarishlarni kamaytiraman. Endi yaxshilab o‘ylab ko‘rishim kerak, chunki futbolchilarning quvvati cheksiz emas. Agar hozir kimdir jarohat olsa – tamom, hammasi barbod bo‘ladi. Men hamma sog‘ bo‘lishini xohlayman», – dedi Gvardiola matbuot anjumanida.
Bugun Toshkent vaqti bilan 21:15 Angliya Kubogining «Siti» va «Sautgempton» jamoalari o‘rtasidagi yarim final uchrashuvi boshlanadi.
