«Манчестер Сити» бош мураббийи Хосеп Гвардиола сўнгги ўйинларда ротациядан воз кечди. «Шаҳарликлар» ички аренада ажойиб формага кириб олишди. Жамоа Лига Кубогини қўлга киритди, Англия Кубоги ярим финалига чиқди ва «Арсенал»дан сезиларли фарқни йўққа чиқариб, Премьер-лига турнир жадвалида пешқадамга айланди.

«Албатта, кам ўйнаётганлар норози. Ҳозир таркибни кам ўзгартиряпман, чунки охирги беш-олтита ўйинда атиги битта гол ўтказиб юбордик. Мен ҳамма футболчиларни жалб қилишга ҳаракат қиламан, лекин мавсум охирида жамоада тўғри кайфият шаклланганини кўрсам, ўзгаришларни камайтираман. Энди яхшилаб ўйлаб кўришим керак, чунки футболчиларнинг қуввати чексиз эмас. Агар ҳозир кимдир жароҳат олса – тамом, ҳаммаси барбод бўлади. Мен ҳамма соғ бўлишини хоҳлайман», – деди Гвардиола матбуот анжуманида.

Бугун Тошкент вақти билан 21:15 Англия Кубогининг «Сити» ва «Саутгемптон» жамоалари ўртасидаги ярим финал учрашуви бошланади.