«Manchester Yunayted» yarim himoyachisi Brunu Fernandesh hali ham klubning cho‘qqiga qaytishiga yordam berishni orzu qilishini tan oldi. Ko‘plab mish-mishlarga qaramay, «qizil iblislar» sardori kelayotgan yozda jamoani tark etmasligi kutilmoqda.
«Men Premyer-ligada g‘alaba qozonishni xohlayman, Chempionlar ligasida g‘olib chiqishni xohlayman. Buni hech qachon yashirmaganman», — dedi Brunu.
Fernandeshning «Manchester Yunayted» bilan amaldagi mehnat shartnomasi 2027 yilning o‘rtalarida tugaydi, ammo ikkala tomonning xohishiga ko‘ra, u yana bir yilga avtomatik ravishda uzaytirilishi mumkin.
