Madridning «Real» klubining 18 yoshli vingeri Franko Mastantuono joriy mavsum yakunlanganidan keyin jamoani tark etishi mumkin.
Jurnalist Ekrem Konurning xabar berishicha, «qaymoqranglilar» argentinalik futbolchini yozgi transfer oynasida ijaraga berishni rejalashtirmoqda. Ayni damda Angliya Premyer-ligasining uchta klubi — «Vest Xem», «Brayton» va «Tottenxem» futbolchiga qiziqish bildirmoqda.
Eslatib o‘tamiz, o‘tgan yozda «Real» Mastantuononi «River Pleyt»dan 45 million yevro evaziga sotib olgan edi. Ispaniya grandi tarkibida vinger barcha turnirlarni hisobga olganda 30 ta uchrashuvda maydonga tushib, 3 ta gol va 1 ta golli uzatmani o‘z hisobiga yozdirib qo‘ydi.
