Мадриднинг «Реал» клубининг 18 ёшли вингери Франко Мастантуоно жорий мавсум якунланганидан кейин жамоани тарк этиши мумкин.

Журналист Экрем Конурнинг хабар беришича, «қаймоқранглилар» аргентиналик футболчини ёзги трансфер ойнасида ижарага беришни режалаштирмоқда. Айни дамда Англия Премьер-лигасининг учта клуби — «Вест Хэм», «Брайтон» ва «Тоттенхэм» футболчига қизиқиш билдирмоқда.

Эслатиб ўтамиз, ўтган ёзда «Реал» Мастантуонони «Ривер Плейт»дан 45 миллион евро эвазига сотиб олган эди. Испания гранди таркибида вингер барча турнирларни ҳисобга олганда 30 та учрашувда майдонга тушиб, 3 та гол ва 1 та голли узатмани ўз ҳисобига ёздириб қўйди.