«Aston Villa»ning hujumkor yarim himoyachisi Morgan Rojers «PSJ»ning qiziqishlar doirasiga tushgan. Bu haqda talkSPORT nashri xabar bermoqda.
Manba bergan ma’lumotlarga ko‘ra, Fransiya grandi futbolchiga jiddiy qiziqish bildirmoqda. Ta’kidlanishicha, parijliklar bosh murabbiyi Luis Enrike Rojersning o‘yiniga qoyil qolgan. Shu bilan birga, futbolchining o‘zi ham yozgi transfer oynasida boshqa klubga o‘tishga tayyor. Transfer summasi 92 million yevroni tashkil qilishi mumkin. Shuningdek, ingliz futbolchisini «Arsenal», «Manchester Yunayted» va «Chelsi» klublari ham kuzatib borayotgani aytilmoqda.
Joriy mavsumda 23 yoshli Rojers barcha turnirlarni hisobga olganda 48 ta o‘yinda ishtirok etib, raqiblar darvozasini 12 bor ishg‘ol qildi va 9 ta golli uzatmani o‘z hisobiga yozdirib qo‘ydi.













