«Астон Вилла»нинг ҳужумкор ярим ҳимоячиси Морган Рожерс «ПСЖ»нинг қизиқишлар доирасига тушган. Бу ҳақда talkSPORT нашри хабар бермоқда.
Манба берган маълумотларга кўра, Франция гранди футболчига жиддий қизиқиш билдирмоқда. Таъкидланишича, парижликлар бош мураббийи Луис Энрике Рожерснинг ўйинига қойил қолган. Шу билан бирга, футболчининг ўзи ҳам ёзги трансфер ойнасида бошқа клубга ўтишга тайёр. Трансфер суммаси 92 миллион еврони ташкил қилиши мумкин. Шунингдек, инглиз футболчисини «Арсенал», «Манчестер Юнайтед» ва «Челси» клублари ҳам кузатиб бораётгани айтилмоқда.
Жорий мавсумда 23 ёшли Рожерс барча турнирларни ҳисобга олганда 48 та ўйинда иштирок этиб, рақиблар дарвозасини 12 бор ишғол қилди ва 9 та голли узатмани ўз ҳисобига ёздириб қўйди.
