«Lans» hujumchisi Florian Toven Fransiya chempionatining 31-turida «Brest» bilan qayd etilgan durangdan (1:1) so‘ng, uning jamoasi endi Liga 1 g‘olibligi uchun da’vogar emasligini ma’lum qildi.
«Titul uchun kurash tugadi! G‘alaba qozonish uchun kichik bo‘lsa-da imkoniyatga ega bo‘lish uchun har bir o‘yinda g‘alaba qozonish kerak edi. Bu shunchaki mening shaxsiy fikrim», — dedi Toven L1+ efirida.
«Lans» 63 ochko jamg‘argan holda turnir jadvalida 2-o‘rinni egallab turibdi. Ular «PSJ»dan 3 ochkoga ortda qolmoqda, biroq parijliklar ixtiyorida hali bitta zaxira o‘yini mavjud.
