«Chelsi» klubining sobiq bosh murabbiyi Liam Rosenyor va londonliklar futbolchilari o‘rtasidagi munosabatlarning ayrim tafsilotlari ochiqlandi.

CaughtOffside nashri tarqatgan ma’lumotga ko‘ra, ingliz mutaxassisi jamoa rahbariyati bilan suhbatda o‘z shogirdlarini «injiq bolalar» deya ta’riflagan. Rosenyor klub xo‘jayinlarini tarkibning katta qismidan voz kechishga va ularning o‘rniga «haqiqiy erkaklar»ni olib kelishga chaqirgan.

Eslatib o‘tamiz, Liam Rosenyor joriy yilning yanvar oyida «ko‘klar» postini egallagan edi. Biroq Angliya Premyer-ligasi doirasidagi ketma-ket beshta mag‘lubiyat (bu o‘yinlarda jamoa birorta ham gol ura olmagan) sababli u 22 aprel kuni iste’foga chiqarildi.

Ayni damda «Chelsi» APL turnir jadvalida 34 turdan so‘ng 48 ochko bilan 8-o‘rinni egallab turibdi.