«Nyukasl Yunayted» bosh murabbiyi Eddi Xau Angliya Premyer-ligasi 34-turida «Arsenal»ga qarshi uchrashuvdagi 0:1 hisobidagi mag‘lubiyatga izoh berdi.

«Biz shunday holatga tushib qoldikki, hatto kuchliroq ko‘ringan paytimizda ham o‘yinlarni yutqazyapmiz. Bizga bardoshli bo‘lish va bu vaziyatdan chiqish yo‘lini topish kerak.

O‘tkazib yuborilgan golmi? Menimcha, bunga yo‘l qo‘ymasligimiz mumkin edi. Joylashuvda biroz xatoga yo‘l qo‘ydik, shunga qaramay, o‘sha zarba ajoyib edi. Qisqa o‘ynalgan burchak to‘plari — bu biz kutgan va tayyorlangan narsa emas edi.

«Nyukasl» turnirdagi vaziyatni o‘zgartirishga qanchalik yaqin? Har qachongidan ham yaqinroq, chunki bugungi kun oldinga tashlangan katta qadam bo‘ldi. Biz futbolchilarimiz har doim yuqori tayyorgarlik holatida bo‘lishiga ishonch hosil qilishimiz kerak va ular faqat «Arsenal»ga qarshi safar o‘yini uchun emas, har bir bahsda yaxshi o‘yin ko‘rsatishi shart», — dedi Xau Sky Sports nashriga.

Angliya — Premyer-liga, 34-tur
25 aprel 2026 yil, shanba
«Arsenal» (London) — «Nyukasl Yunayted» (Nyukasl-apon-Tayn) 1:0
Gol: Eze 9 (1:0).