«Pari Sen-Jermen» bosh murabbiyi Luis Enrike Liga 1 doirasida «Anje» ustidan qozonilgan g‘alabadan so‘ng (3:0) o‘z jamoasining o‘yini haqidagi fikrlari bilan o‘rtoqlashdi.
Parijliklar oxirgi beshta uchrashuvning to‘rttasida o‘z darvozalari daxlsizligini saqlab qolishdi.
«Biz doimo ham hujumda, ham himoyada o‘sishga harakat qilamiz. Butun mavsum davomida himoyada yaxshi o‘yin ko‘rsatdik — hatto gol o‘tkazib yuborgan bahslarimizda ham. Bu biz uchun o‘ziga xos «miyaga o‘rnashib qolgan g‘oya». Men chiroyli futbolni sevaman, biroq yaxshi o‘ynash uchun himoyalanishni, pressing qilishni bilish kerak — hozirda «PSJ» ijrosida aynan shuni ko‘ryapmiz», — dedi Enrike matbuot anjumanida.
Seshanba kuni, 28 aprel sanasida Fransiya grandi o‘z maydonida Chempionlar ligasi 1/2 finalining ilk uchrashuvi doirasida «Bavariya»ni qabul qiladi.
