«Пари Сен-Жермен» бош мураббийи Луис Энрике Лига 1 доирасида «Анже» устидан қозонилган ғалабадан сўнг (3:0) ўз жамоасининг ўйини ҳақидаги фикрлари билан ўртоқлашди.

Парижликлар охирги бешта учрашувнинг тўрттасида ўз дарвозалари дахлсизлигини сақлаб қолишди.

«Биз доимо ҳам ҳужумда, ҳам ҳимояда ўсишга ҳаракат қиламиз. Бутун мавсум давомида ҳимояда яхши ўйин кўрсатдик — ҳатто гол ўтказиб юборган баҳсларимизда ҳам. Бу биз учун ўзига хос «мияга ўрнашиб қолган ғоя». Мен чиройли футболни севаман, бироқ яхши ўйнаш учун ҳимояланишни, прессинг қилишни билиш керак — ҳозирда «ПСЖ» ижросида айнан шуни кўряпмиз», — деди Энрике матбуот анжуманида.

Сешанба куни, 28 апрель санасида Франция гранди ўз майдонида Чемпионлар лигаси 1/2 финалининг илк учрашуви доирасида «Бавария»ни қабул қилади.