Madridning «Atletiko» klubi yarim himoyachisi Aleks Baena Chempionlar ligasi yarim finali doirasida Londonning «Arsenal» jamoasiga qarshi bo‘lib o‘tadigan bahs haqida o‘z fikrlarini bildirdi.
To‘qnashuvning ilk uchrashuvi 29 aprel kuni «matraschilar» maydonida bo‘lib o‘tadi. Javob o‘yini esa 5 may kuni Londonda o‘tkaziladi.
«Arsenal» bilan o‘yinda «Metropolitano» stadionidan qaynoq qo‘llab-quvvatlashni kutib qolaman. Nimalar tikilganini inobatga olsak, bu mavsumdagi eng muhim o‘yindir. Biz oxirigacha borishga qodir ekanimizni bilamiz. «Arsenal» — yuqori darajadagi raqib, ammo men jamoamizga, klubimizga va stadionimiz omiliga ishonaman», — deya Baenaning so‘zlarini keltiradi Ispaniya OAVlari.
Eslatib o‘tamiz, chorak finalda Diyego Simeone shogirdlari «Barselona»ni umumiy 3:2 hisobida mag‘lub etgan bo‘lsa, «Arsenal» Lissabonning «Sporting» jamoasidan ustun kelgan edi (1:0).
