Мадриднинг «Атлетико» клуби ярим ҳимоячиси Алекс Баэна Чемпионлар лигаси ярим финали доирасида Лондоннинг «Арсенал» жамоасига қарши бўлиб ўтадиган баҳс ҳақида ўз фикрларини билдирди.
Тўқнашувнинг илк учрашуви 29 апрель куни «матрасчилар» майдонида бўлиб ўтади. Жавоб ўйини эса 5 май куни Лондонда ўтказилади.
«Арсенал» билан ўйинда «Метрополитано» стадионидан қайноқ қўллаб-қувватлашни кутиб қоламан. Нималар тикилганини инобатга олсак, бу мавсумдаги энг муҳим ўйиндир. Биз охиригача боришга қодир эканимизни биламиз. «Арсенал» — юқори даражадаги рақиб, аммо мен жамоамизга, клубимизга ва стадионимиз омилига ишонаман», — дея Баэнанинг сўзларини келтиради Испания ОАВлари.
Эслатиб ўтамиз, чорак финалда Диего Симеоне шогирдлари «Барселона»ни умумий 3:2 ҳисобида мағлуб этган бўлса, «Арсенал» Лиссабоннинг «Спортинг» жамоасидан устун келган эди (1:0).
