Londonning «Arsenal» klubi yarim himoyachisi Eberechi Eze Premyer-liga doirasida shanba kuni «Nyukasl»ga (1:0) qarshi kechgan bahsda jarohat tufayli almashtirildi. 27 yoshli futbolchi 9-daqiqada raqib darvozasini ishg‘ol qilgan edi, biroq 53-daqiqaga kelib maydonni majburiy tarzda tark etdi. Ingliz futbolchisining goli uchrashuvda yagonaligini saqlab qoldi.
«Men yaxshiman, hammasi joyida! Bu shunchaki ehtiyot chorasi edi», — dedi Eze Sky Sports nashriga bergan intervyusida.
Eslatib o‘tamiz, chorshanba kuni, 29 aprel kuni Mikel Arteta jamoasini Madridning «Atletiko» klubiga qarshi Chempionlar ligasi yarim finali doirasidagi safar uchrashuvi kutmoqda. Premyer-ligada esa londonliklar «Manchester Siti»ni uch ochkoga ortda qoldirib, yana birinchi o‘ringa qaytishdi, biroq «shaharliklar»da bitta zaxira o‘yini mavjud.
