Лондоннинг «Арсенал» клуби ярим ҳимоячиси Эберечи Эзе Премьер-лига доирасида шанба куни «Ньюкасл»га (1:0) қарши кечган баҳсда жароҳат туфайли алмаштирилди. 27 ёшли футболчи 9-дақиқада рақиб дарвозасини ишғол қилган эди, бироқ 53-дақиқага келиб майдонни мажбурий тарзда тарк этди. Инглиз футболчисининг голи учрашувда ягоналигини сақлаб қолди.
«Мен яхшиман, ҳаммаси жойида! Бу шунчаки эҳтиёт чораси эди», — деди Эзе Sky Sports нашрига берган интервьюсида.
Эслатиб ўтамиз, чоршанба куни, 29 апрель куни Микель Артета жамоасини Мадриднинг «Атлетико» клубига қарши Чемпионлар лигаси ярим финали доирасидаги сафар учрашуви кутмоқда. Премьер-лигада эса лондонликлар «Манчестер Сити»ни уч очкога ортда қолдириб, яна биринчи ўринга қайтишди, бироқ «шаҳарликлар»да битта захира ўйини мавжуд.
