«Tottenxem» bosh murabbiyi Roberto De Dzerbi APL doirasida «Vulverxempton»ga qarshi kechgan o‘yinda (1:0) Xavi Simons tizzasidan jarohat olganini ma’lum qildi.
22 yoshli yarim himoyachi raqib himoyachisi Ugo Bueno bilan to‘qnashuvdan so‘ng noqulay tarzda yiqildi. Futbolchini maydondan zambilda olib chiqib ketishdi.
«Xavining tizzasida muammo bor. Yaqin kunlarda, dushanba yoki seshanba kuni tibbiy ko‘rik o‘tkazamiz. Tizza jarohatlari mushakdagi jarohatlardan farq qiladi. U og‘riqni his qildi. Men u bilan ikki-uch daqiqa oldin gaplashdim — hozir u o‘zini jarohat olgan paytdagidan ko‘ra yaxshiroq his qilmoqda», — dedi De Dzerbi.
