«Liverpul» joriy mavsumda APL chempionligi uchun imkoniyatlarini butunlay yo‘qotdi.
Bu holat APL 34-turida «Arsenal»ning «Nyukasl» ustidan qozongan g‘alabasidan (1:0) so‘ng sodir bo‘ldi. Mavsum yakuniga 4 tur qolganda mersisaydliklarning «kanonirlar» bilan oradagi farqi 15 ochkoni tashkil etmoqda. Hozirda «Liverpul» 58 ochko bilan to‘rtinchi o‘rinda bormoqda.
Shu tariqa, Arne Slot jamoasi ushbu mavsumni sovrinsiz yakunlaydigan bo‘ldi. «Qizillar» Chempionlar ligasi chorak finalida «PSJ»ga (0:2, 0:2), Angliya Kubogining xuddi shu bosqichida «Manchester Siti»ga (0:4) imkoniyatni boy berishgan edi. Angliya Liga Kubogining 1/8 finalida esa «Kristal Pelas» (0:3) ularni musobaqadan chiqarib yuborgandi.
Ma’lumot uchun, «Liverpul» oxirgi marta 2020/21 yilgi mavsumni birorta ham sovrinsiz yakunlagan edi.
