Hujumchi Nikolas Jekson mavsum yakunlanganidan keyin «Bavariya»da qolmaydi. Myunxen klubi senegallik futbolchini «Chelsi»dan sotib olish huquqi bilan ijaraga olgan edi, biroq bu bandni faollashtirmaslikka qaror qildi.

«Niko ajoyib mavsumni o‘tkazmoqda — 28 o‘yinda 10 ta gol. Afrika chempioni, Germaniya chempioni, shuningdek, u jamoaga Germaniya Kubogi finaliga chiqishda yordam berdi. «Bavariya» sotib olish opsiyasidan foydalanmaslikka qaror qildi, ammo Jekson bor e’tiborini Chempionlar ligasi doirasidagi "PSJ"ga qarshi yarim finalga qaratgan — bu u va klub uchun juda muhim. Eng asosiysi — mavsumni imkon qadar muvaffaqiyatli yakunlash. Kelajakda nima bo‘lishini hech kim bilmaydi. Har qanday narsa bo‘lishi mumkin, shunchaki jarayonga ishoning», — deya 24 yoshli forvardning manfaatlarini himoya qiluvchi agent Diomansi Kamaraning so‘zlarini keltiradi jurnalist Fabrisio Romano.

Nikolas Jeksonning «Chelsi» bilan shartnomasi 2033 yilgacha mo‘ljallangan.