Ҳужумчи Николас Жексон мавсум якунланганидан кейин «Бавария»да қолмайди. Мюнхен клуби сенегаллик футболчини «Челси»дан сотиб олиш ҳуқуқи билан ижарага олган эди, бироқ бу бандни фаоллаштирмасликка қарор қилди.

«Нико ажойиб мавсумни ўтказмоқда — 28 ўйинда 10 та гол. Африка чемпиони, Германия чемпиони, шунингдек, у жамоага Германия Кубоги финалига чиқишда ёрдам берди. «Бавария» сотиб олиш опциясидан фойдаланмасликка қарор қилди, аммо Жексон бор эътиборини Чемпионлар лигаси доирасидаги "ПСЖ"га қарши ярим финалга қаратган — бу у ва клуб учун жуда муҳим. Энг асосийси — мавсумни имкон қадар муваффақиятли якунлаш. Келажакда нима бўлишини ҳеч ким билмайди. Ҳар қандай нарса бўлиши мумкин, шунчаки жараёнга ишонинг», — дея 24 ёшли форварднинг манфаатларини ҳимоя қилувчи агент Диоманси Камаранинг сўзларини келтиради журналист Фабрицио Романо.

Николас Жексоннинг «Челси» билан шартномаси 2033 йилгача мўлжалланган.