"Bryugge" futbolchisi Yesse Bisivu "Barselona" e’tiboriga tushdi. Sky nashriga tayanib Transfer News Live xabar berishicha, Kataloniya grandi istiqbolli belgiyalik futbolchi bilan shartnoma imzolash ustida faol ishlamoqda. 18 yoshli vingerning o‘zi ham ushbu transferga tayyor ekanini bildirgan.
Yesse Bisivu hozirda "Bryugge"ning o‘rinbosarlar jamoasida to‘p suradi, asosiy tarkibda esa hali debyut qilgani yo‘q. Joriy mavsumda futbolchi 23 ta uchrashuvda maydonga tushib, o‘z hisobiga 3 ta gol va bitta golli uzatmani yozdirib qo‘ydi.
Mashhur Transfermarkt portali mutaxassislari yosh iste’dod egasini 800 ming yevroga baholamoqda. Uning klub bilan amaldagi shartnomasi 2027 yilning yoziga qadar mo‘ljallangan.
