"Брюгге" футболчиси Йессе Бисиву "Барселона" эътиборига тушди. Sky нашрига таяниб Transfer News Live хабар беришича, Каталония гранди истиқболли бельгиялик футболчи билан шартнома имзолаш устида фаол ишламоқда. 18 ёшли вингернинг ўзи ҳам ушбу трансферга тайёр эканини билдирган.
Йессе Бисиву ҳозирда "Брюгге"нинг ўринбосарлар жамоасида тўп суради, асосий таркибда эса ҳали дебют қилгани йўқ. Жорий мавсумда футболчи 23 та учрашувда майдонга тушиб, ўз ҳисобига 3 та гол ва битта голли узатмани ёздириб қўйди.
Машҳур Transfermarkt портали мутахассислари ёш истеъдод эгасини 800 минг еврога баҳоламоқда. Унинг клуб билан амалдаги шартномаси 2027 йилнинг ёзига қадар мўлжалланган.













