AQSHning «Chikago Fayr» klubi o‘z transfer maqsadlarini o‘zgartirdi va endilikda «Barselona» hujumchisi Robert Levandovski nomzodini ko‘rib chiqmayapti.
Manbaning xabar berishicha, Amerika klubi rahbariyati shu yilning boshida 37 yoshli polshalik forvardning transferi bo‘yicha muzokaralar olib borishga harakat qilgan edi. Biroq hozirga kelib ushbu jarayon to‘liq to‘xtatilgan.
Ma’lumot uchun, Robert Levandovski joriy mavsumda barcha turnirlarda 41 ta o‘yinda maydonga tushib, o‘z hisobiga 17 ta gol va 4 ta golli uzatmani yozdirib qo‘ydi. Avvalroq hujumchining mavsum yakunida «Barselona»ni tark etishi va faoliyatini Italiya yoki Saudiya Arabistonida davom ettirishi mumkinligi haqida xabarlar berilgan edi.













