АҚШнинг «Чикаго Файр» клуби ўз трансфер мақсадларини ўзгартирди ва эндиликда «Барселона» ҳужумчиси Роберт Левандовски номзодини кўриб чиқмаяпти.

Манбанинг хабар беришича, Америка клуби раҳбарияти шу йилнинг бошида 37 ёшли польшалик форварднинг трансфери бўйича музокаралар олиб боришга ҳаракат қилган эди. Бироқ ҳозирга келиб ушбу жараён тўлиқ тўхтатилган.

Маълумот учун, Роберт Левандовски жорий мавсумда барча турнирларда 41 та ўйинда майдонга тушиб, ўз ҳисобига 17 та гол ва 4 та голли узатмани ёздириб қўйди. Аввалроқ ҳужумчининг мавсум якунида «Барселона»ни тарк этиши ва фаолиятини Италия ёки Саудия Арабистонида давом эттириши мумкинлиги ҳақида хабарлар берилган эди.