«PSJ» bosh murabbiyi Luis Enrike Chempionlar ligasi doirasida «Bavariya»ga qarshi bo‘lib o‘tadigan o‘yin haqida gapirdi. Ispaniyalik mutaxassis kamtarlikni bir chetga surib, o‘z jamoasini Myunxen klubi bilan bir qatorda Yevropadagi eng zo‘ri deb hisoblashini aytdi.
«Bavariya» va «PSJ» — ham himoyada, ham hujumda Yevropaning eng yaxshi ikki jamoasidir. «Arsenal» ham yaxshi ishladi, lekin «Bavariya» barqarorroq va ular bor-yo‘g‘i ikkita o‘yinda mag‘lub bo‘lishdi.
Biroq, agar futbol sifatiga qaraydigan bo‘lsak, biz — birinchi raqammiz. Biz buyuk klublarni hurmat qilamiz, lekin haqiqat shunday», — dedi Enrike jurnalistlarga.
«PSJ» va «Bavariya» o‘rtasidagi uchrashuv 28 aprel kuni Toshkent vaqti bilan tungi soat 00:00 da (seshanbadan chorshanbaga o‘tar kechasi) boshlanadi.
