«ПСЖ» бош мураббийи Луис Энрике Чемпионлар лигаси доирасида «Бавария»га қарши бўлиб ўтадиган ўйин ҳақида гапирди. Испаниялик мутахассис камтарликни бир четга суриб, ўз жамоасини Мюнхен клуби билан бир қаторда Европадаги энг зўри деб ҳисоблашини айтди.
«Бавария» ва «ПСЖ» — ҳам ҳимояда, ҳам ҳужумда Европанинг энг яхши икки жамоасидир. «Арсенал» ҳам яхши ишлади, лекин «Бавария» барқарорроқ ва улар бор-йўғи иккита ўйинда мағлуб бўлишди.
Бироқ, агар футбол сифатига қарайдиган бўлсак, биз — биринчи рақаммиз. Биз буюк клубларни ҳурмат қиламиз, лекин ҳақиқат шундай», — деди Энрике журналистларга.
«ПСЖ» ва «Бавария» ўртасидаги учрашув 28 апрель куни Тошкент вақти билан тунги соат 00:00 да (сешанбадан чоршанбага ўтар кечаси) бошланади.
