«Chelsi» posboni Robert Sanches Angliya Kubogi yarim finalida «Lids Yunayted» ustidan qozonilgan g‘alaba (1:0) haqida o‘z fikrlarini bildirdi.

«Ko‘plab o‘zgarishlar bo‘lgan qiyin mavsumdan keyin, agar yozgi tanaffusga qo‘limizda sovrin bilan chiqa olsak — bu shunchaki ajoyib bo‘lardi. Kelgusi bir necha hafta davomida shu ruhda davom etishimiz kerak, bu bizga kuchli ijobiy turtki beradi. Menimcha, so‘nggi bir necha hafta biz uchun oson kechmadi, lekin yigitlar mashg‘ulotlarda bunga ajoyib tarzda javob qaytarishdi. Bu, albatta, maydonda ham ko‘rindi — har bir o‘yinchi to‘p uchun kurashdi va bir-biri uchun jang qildi.

«Quruq» o‘yin va g‘alaba — bu katta yutuq. Men bir nechta yaxshi seyvlarni amalga oshirdim, lekin bu faqat mening xizmatim emas. Himoyachilarimiz ham bir necha bor raqib zarbalarini to‘sib qolishdi, ular doimiy ravishda to‘pni boshi bilan chiqarib yuborishdi. Biz tezkor gol urdik va himoyada ishonchli o‘ynadik.

Mavsum boshida 15 ta o‘yindan 9 yoki 10 tasida darvozamiz daxlsizligini saqlab qolganimiz yodimda. Shuning uchun yana «nol»ga o‘ynab, ijobiy kayfiyatga qaytganimiz juda yaxshi bo‘ldi. Oldinda yana beshta o‘yin bor, qo‘limizdan kelgan barcha ishni qilamiz», — dedi Sanches.