«Челси» посбони Роберт Санчес Англия Кубоги ярим финалида «Лидс Юнайтед» устидан қозонилган ғалаба (1:0) ҳақида ўз фикрларини билдирди.
«Кўплаб ўзгаришлар бўлган қийин мавсумдан кейин, агар ёзги танаффусга қўлимизда соврин билан чиқа олсак — бу шунчаки ажойиб бўларди. Келгуси бир неча ҳафта давомида шу руҳда давом этишимиз керак, бу бизга кучли ижобий туртки беради. Менимча, сўнгги бир неча ҳафта биз учун осон кечмади, лекин йигитлар машғулотларда бунга ажойиб тарзда жавоб қайтаришди. Бу, албатта, майдонда ҳам кўринди — ҳар бир ўйинчи тўп учун курашди ва бир-бири учун жанг қилди.
«Қуруқ» ўйин ва ғалаба — бу катта ютуқ. Мен бир нечта яхши сейвларни амалга оширдим, лекин бу фақат менинг хизматим эмас. Ҳимоячиларимиз ҳам бир неча бор рақиб зарбаларини тўсиб қолишди, улар доимий равишда тўпни боши билан чиқариб юборишди. Биз тезкор гол урдик ва ҳимояда ишончли ўйнадик.
Мавсум бошида 15 та ўйиндан 9 ёки 10 тасида дарвозамиз дахлсизлигини сақлаб қолганимиз ёдимда. Шунинг учун яна «ноль»га ўйнаб, ижобий кайфиятга қайтганимиз жуда яхши бўлди. Олдинда яна бешта ўйин бор, қўлимиздан келган барча ишни қиламиз», — деди Санчес.
