Turkiyaning «Fenerbaxche» klubi bosh murabbiy Domeniko Tedesko bilan xayrlashganini rasman e’lon qildi. Istanbulning «sariq kanareykalari» rahbariyati ushbu qarorni jamoaning azaliy raqibi «Galatasaroy»dan uchralgan alamli mag‘lubiyatdan (0:3) so‘ng qabul qildi.
Tedesko o‘tgan yilning sentyabr oyidan buyon jamoani boshqarib kelayotgan edi. Uning qo‘l ostida «Fenerbaxche» 45 ta o‘yinda maydonga tushib, 26 ta g‘alaba, 12 ta durang va 7 ta mag‘lubiyat qayd etdi.
Hozirda Turkiya superligasi yakunlanishiga uch tur qolganda «Fenerbaxche» turnir jadvalida ikkinchi o‘rinni egallab turibdi. Biroq peshqadam «Galatasaroy» bilan oradagi farq yetti ochkoga yetgan bo‘lib, bu chempionlik imkoniyatlarini deyarli yo‘qqa chiqardi.
