Italiyaning «Inter» klubi o‘z yetakchilaridan biri Federiko Dimarko bilan amaldagi kelishuvni uzaytirish bo‘yicha muzokaralarni boshladi. Bu haqda insayder Nikolo Skira xabar berdi.
Yangi shartnomaga ko‘ra, 28 yoshli chap qanot himoyachisi «neradzurri» safida 2030 yilning yoziga qadar qolishi kutilmoqda.
Shuningdek, Milan klubi rahbariyati futbolchining ko‘rsatayotgan sermahsul o‘yinlarini inobatga olib, uning maoshini ham sezilarli darajada oshirishga tayyor.













