Madridning «Real» klubi tarbiyalanuvchisi va ayni damda «Lasio» sharafini himoya qilayotgan himoyachi Mario Xila yozgi transfer oynasida jamoasini o‘zgartirishi kutilmoqda. «Milan» klubi sport direktori Igli Tare uchun ushbu futbolchi asosiy transfer maqsadi bo‘lib qolmoqda.

25 yoshli ispaniyalik himoyachi «Lasio» bilan 2027 yilgacha mo‘ljallangan shartnomasini uzaytirmoqchi emas. Bu esa Rim klubini uni shu yozda sotishga majbur qilishi mumkin. Biroq «Milan»ga Xila uchun kurashda «Atletiko Madrid», «Napoli» va «Yuventus» kabi grandlar raqobat tug‘dirmoqda.

Diqqatga sazovor jihati shundaki, Mario Xilaning transferidan tushadigan mablag‘ning 50 foizi «Real»ga tegadi. Shu sababli «Lasio» o‘z himoyachisini kamida 25–30 million yevroga baholashi kutilmoqda.