Angliya terma jamoasi himoyachisi Jon Stouns mavsum yakunida «Manchester Siti»ni tark etishi munosabati bilan bayonot berdi. Avvalroq bu haqda jamoa matbuot xizmati xabar bergan edi.

«So‘nggi 10 yil davomida bu yer mening uyim edi va umrimning oxirigacha uyim bo‘lib qoladi», — deb yozdi Stouns o‘z ijtimoiy tarmoqlarida.

«Bu ko‘p jihatdan «amerikacha tepaliklar»ni (past-balandliklarni) eslatuvchi davr bo‘ldi. Men bu yerga bola sifatida kelib, endi erkak kishi — ota, er va maydondagi holat haqida gapiradigan bo‘lsam, shakllangan futbolchi sifatida ketyapman. Men barcha orzularimni amalga oshirdim va bu yerga nima uchun kelgan bo‘lsam, o‘sha sovrinlarning barchasini boshim uzra baland ko‘tardim. Faoliyatimning boshida bunday darajaga chiqishimni tasavvur ham qila olmasdim», — deb ta’kidladi futbolchi.

31 yoshli Stounsning shartnomasi shu yozda yakuniga yetadi. U 2016 yilda «Everton»dan o‘tganidan beri «shaharliklar» safida 293 ta o‘yin o‘tkazdi. U «Siti»ga 6 ta chempionlik tituli, Chempionlar ligasi, 2 ta Angliya Kubogi, 5 ta Liga Kubogi, 3 ta Angliya Superkubogi, Klublar o‘rtasidagi jahon chempionati va UYEFA Superkubogida g‘olib chiqishga yordam berdi.