Marca nashri sahifalarida darvozabon Tibo Kurtuaning tiklanish jarayoni haqida maqola e’lon qilindi. Ma’lumki, belgiyalik posbon mart oyi o‘rtalaridan beri «Real» safida maydonga tushmayotgan edi.
Manbaning xabariga ko‘ra, Kurtuaning tiklanish jarayoni asta-sekin yakuniy bosqichga kirmoqda. Tez orada darvozabon jamoa bilan to‘liq mashg‘ulotlarga qayta boshlaydi.
Kurtuaning sog‘lig‘ini xavf ostiga qo‘yishmaydi — uning qaytishi «El-Klasiko»ga rejalashtirilgan. Buning uchun hali vaqt yetarli, «Barselona» va «Real» o‘rtasidagi bahs 10 may kuni bo‘lib o‘tadi. Agar kutilmagan muammolar yuzaga kelmasa, Tibo «Kamp Nou»dagi o‘yinda ishtirok etadi.
«Real» ayni damda «Barselona»dan 11 ochko ortda qolmoqda va chempionlik uchun juda kam imkoniyatga ega.
