Marca нашри саҳифаларида дарвозабон Тибо Куртуанинг тикланиш жараёни ҳақида мақола эълон қилинди. Маълумки, бельгиялик посбон март ойи ўрталаридан бери «Реал» сафида майдонга тушмаётган эди.

Манбанинг хабарига кўра, Куртуанинг тикланиш жараёни аста-секин якуний босқичга кирмоқда. Тез орада дарвозабон жамоа билан тўлиқ машғулотларга қайта бошлайди.

Куртуанинг соғлиғини хавф остига қўйишмайди — унинг қайтиши «Эл-Класико»га режалаштирилган. Бунинг учун ҳали вақт етарли, «Барселона» ва «Реал» ўртасидаги баҳс 10 май куни бўлиб ўтади. Агар кутилмаган муаммолар юзага келмаса, Тибо «Камп Ноу»даги ўйинда иштирок этади.

«Реал» айни дамда «Барселона»дан 11 очко ортда қолмоқда ва чемпионлик учун жуда кам имкониятга эга.