«Manchester Yunayted» yozgi transfer oynasida yarim himoyachi Manuel Ugarte bilan xayrlashishni rejalashtirmoqda.
Jurnalist Samuel Lakxyorstning xabar berishicha, urugvaylik futbolchi jahon chempionatidan so‘ng sotuvga qo‘yiladi. Taxminlarga ko‘ra, «qizil iblislar» xavbek uchun taxminan 28 million yevro so‘rashadi, vaholanki, Transfermarkt uning bozor qiymatini 30 million yevroga baholamoqda.
Manuel Ugarte 2024 yilning avgustida «PSJ»dan 50 million yevro evaziga «Manchester Yunayted»ga o‘tgan edi. Joriy mavsumda 25 yoshli futbolchi mankunianliklar safida barcha turnirlarda 24 ta o‘yinda maydonga tushdi va samarali harakatlar bilan ajralib tura olmadi.













