Madridning «Atletiko» klubi va Argentina terma jamoasi a’zosi Niko Gonsales 28 aprel kuni o‘tkazilgan mashg‘ulot vaqtida jarohat oldi. Bu haqda Tribuna nashri xabar bermoqda.
Yarim himoyachi noqulaylik sezganidan so‘ng mashg‘ulotni to‘xtatishga majbur bo‘lgan, dastlabki tibbiy ko‘riklar esa mushaklarda muammo borligini tasdiqladi.
Tiklanish davri 3 haftadan 4 haftagacha davom etishi kutilmoqda, bu esa Gonsalesning bir qator muhim o‘yinlarni, jumladan, Chempionlar ligasi bahslarini o‘tkazib yuborishini anglatadi. Reabilitasiya jarayoni qanday kechishiga qarab, Niko mavsum yakuniga qadar maydonga qaytishi mumkin, biroq «matraschilar» tibbiy shtabi va futbolchining o‘zi keyinchalik asoratlar kelib chiqmasligi uchun ehtiyotkorlik choralarini ko‘rishi ehtimoldan xoli emas.
