Мадриднинг «Атлетико» клуби ва Аргентина терма жамоаси аъзоси Нико Гонсалес 28 апрель куни ўтказилган машғулот вақтида жароҳат олди. Бу ҳақда Tribuna нашри хабар бермоқда.
Ярим ҳимоячи ноқулайлик сезганидан сўнг машғулотни тўхтатишга мажбур бўлган, дастлабки тиббий кўриклар эса мушакларда муаммо борлигини тасдиқлади.
Тикланиш даври 3 ҳафтадан 4 ҳафтагача давом этиши кутилмоқда, бу эса Гонсалеснинг бир қатор муҳим ўйинларни, жумладан, Чемпионлар лигаси баҳсларини ўтказиб юборишини англатади. Реабилитация жараёни қандай кечишига қараб, Нико мавсум якунига қадар майдонга қайтиши мумкин, бироқ «матрасчилар» тиббий штаби ва футболчининг ўзи кейинчалик асоратлар келиб чиқмаслиги учун эҳтиёткорлик чораларини кўриши эҳтимолдан холи эмас.
