«Bayer» himoyachi Edmond Tapsoba bilan shartnoma uzaytirilganini e’lon qildi. Endilikda burkina-fasolik 27 yoshli futbolchi bilan tuzilgan kelishuv 2031 yilning 30 iyuniga qadar amal qiladi.
«So‘nggi olti yarim yil ichida Edmond Tapsoba yuqori darajada o‘yin ko‘rsatib, Bundesliganing eng yaxshi himoyachilaridan biriga va jamoamizning asosiy figurasiga aylandi. U «oltin dubl» qayd etgan tarkibimizning tayanchi bo‘ldi, muvaffaqiyatlarimizga ulkan hissa qo‘shdi va jamoaning barcha bo‘g‘inlarini bog‘lab turuvchi muhim bo‘g‘in vazifasini o‘tadi. Eng tajribali o‘yinchilarimizdan biri sifatida, Eddi navbatdagi g‘olib jamoani shakllantirishda yo‘lchi yulduz bo‘lishda davom etadi», — deya sport direktori Simon Rolfesning so‘zlarini keltiradi klub matbuot xizmati.
Tapsoba 2020 yilning yanvaridan buyon «Bayer» sharafini himoya qilib kelmoqda. 2025/26 yilgi mavsumda u 41 ta uchrashuvda maydonga tushib, 5 ta gol urdi va 3 ta golli uzatmani amalga oshirdi.
Himoyachi «Bayer» tarkibida 2023/24 yilgi mavsumda Germaniya kubogi va mamlakat chempionligini qo‘lga kiritgan bo‘lsa, 2024/25 yilgi mavsumda Germaniya Superkubogi sohibiga aylandi.
