«Bavariya» yarim himoyachisi Yozua Kimmix Fransiyaning «PSJ» klubidan qabul qilingan mag‘lubiyatdan so‘ng o‘z mulohazalari bilan o‘rtoqlashdi.
«Bunday muhitda 2:5 hisobida mag‘lub bo‘layotib, sovuqqonlikni saqlab qolish unchalik oson emas. Joriy mavsumda jamoamizni aynan mana shu jihat ajratib turibdi. O‘tgan yillarda biz bunday vaziyatda taslim bo‘lgan bo‘lardik», — deya Kimmixning so‘zlarini keltiradi Bayern & Germany.
Chempionlar ligasi pley-off bosqichining dastlabki yarim final uchrashuvida «Bavariya» safarda «PSJ»ga 4:5 hisobida imkoniyatni boy berdi. Javob bahsi 6 may kuni bo‘lib o‘tadi. Ushbu qarama-qarshilik g‘olibi finalda «Atletiko» yoki «Arsenal» jamoasi bilan to‘qnash keladi. Ma’lumot uchun, «PSJ» musobaqaning amaldagi g‘olibi hisoblanadi.
